Mid ka mid ah xiddigaha ugu muhiimsan Juventus oo laga helay Korona Fayras

0
30

Baladweyne (Radio Beerlula)-Kooxda kubadda cagta ee Juventus ayaa goor dhow ku dhawaaqday in xanuunka Korona Fayras laga helay difaaceeda dhexe ee Matthijs De Ligt ka hor ciyaarta soo aaddan Serie A oo ay la balansan yihiin kooxda Sassuolo.

Xiddiga reer Netherlands ayaa wadar ahaan siddeed kulan seegay xilli ciyaareedkan horraantiisii kaddib dhaawac ka soo gaaray garabka, waxaana uu hadda seegi doonaa kulanka Axadda.

“Juventus ayaa ku dhowaaqday baaritaan la xiriira Koofi-19 kaddib in xanuunkan laga helay Matthijs De Ligt” ayaa lagu qoray bogga rasmiga ah ee Bianconeri.

Sidoo kale difaacdayaasha Serie A ayaa xaqiijiyay in kabtankii hore ee Ajax uu hadda ku jiro karaantiil ama kali noollaasho.

LEAVE A REPLY

Please enter your comment!
Please enter your name here