Luka Modrić oo guuleystay abaal-marinta xiddiga bisha January ugu fiicnaa kooxda Real

0
31

Baladweyne (Radio Beerlula)-Kooxda Real Madrid ayaa si rasmi ah ugu dhawaaqday maanta oo Khamiis ah laacibka ku guuleystay abaal-marinta xiddiga bisha January ugu fiicnaa Los Blancos.

Los Blancos ayaa shaacisay in ciyaaryahanka khadka dhexe reer Croatia ee Luka Modrić uu ku guuleystay abaal-marinta ciyaaryahankii ugu fiicnaa kooxda uu hoggaamiyo tababare Zinedine Zidane bishii hore.

Luka Modrić ayaa ka qayb qaatay 4 kulan oo uu la ciyaaray Real Madrid intii lagu jiray bishii january oo kaliya, wuxuu caawiyay gool kulankii Deportivo Alaves, wuxuuna sidoo kale ka caawiyay kooxdiisii ​​inay guul kaga gaarto Celta Vigo 2-0, kaddib waxay barbardhac 0-0 ah la galeen Osasuna, waxayna guul kaga gaareen naadiga Deportivo Alavés 4-1, kahor inta aysan ku soo afjarin bisha guuldarro 2-1 ah ee ka soo gaartay Levante.

Luka Modrić ayaa muujiyay sida uu ugu faraxsanyahay ku guuleysiga abaalmarinta, isagoo u mahadceliyay taageerayaasha kooxda Real Madrid, ee siiyay codadkooda, si uu kaga guuleysto abaal-marinta ciyaartoyda kale intii lagu jiray bishii la soo dhaafay.

Modrić ayaa wareysi uu ku bixiyay website-ka kooxda Real Madrid wuxuu ku muujiyay dareenkiisa, kaddib abaal-marinta uu ku guuleystay:

“Waxaan rabaa inaan uga mahadceliyo taageerayaasha garab istaaga iyo jaceylka ay i qabaan, aad ayaan ugu faraxsanahay inaan ku guuleystay abaal-marintan.”

“Waxaan gaarnay natiijooyin wanaagsan muddadii ugu dambeysay, toddobaadkii la soo dhaafay aad ayuu u fiicnaa intii lagu guda jiray waxaan guuleysanay seddex kulan oo aad muhiim u ah.”

“Waxaan si fiican ula ciyaarnay Getafe iyo Valencia, ujeedkeena waa inaan ku sii socono isla wadadaas mudada soo socota.”

LEAVE A REPLY

Please enter your comment!
Please enter your name here