Baladweyne (Radio Beerlula)- Kooxaha ilaalinta ayaa u baroor diiqaya geeridii ku timid hage dalxiis oo u dhashay dalka Zimbabwe oo uu maroodi ku tuntay kaas oo ku dhintay xerada Gondwana Private Game Reserve ee Koonfur Afrika.
David Kandela, oo 36 jir ah, ayaa hogaaminayay koox dalxiisayaal ah fiidnimadii Axadda markii ay musiibadani dhacday, sida kooxaha ilaalintu ku sheegeen hadal ay soo xigatay warbaahinta maxalliga ah.
Waxay intaas ku dareen in shilkan uu dhacay iyada oo mid ka mid ah maroodiga Gondwana uu marayey xerada Eco ee Gondwana.
“Maroodigu waxay ku dhawaadeen in ay dhex maraan xerada markii David uu la kulmay maroodigii ugu dambeeyay ee soo haray wax yar ka hor inta aysan dhicin dhacdada naxdinta leh,” ayaa lagu daray bayaanka.
Hogaamiyaasha dalxiiska iyo hawl wadeenada dalxiiska ayaa Mr Kandela ku tilmaamay hage khabiir oo si qoto dheer shaqadiisa u hayay.