Baladweyne (Radio Beerlula)- Barcelona ayaa lagu soo waramayaa inay diyaar u tahay inay bixiso qiimo kasta oo lagu burburin karo heshiiska garabka Athletic Bilbao ee Nico Williams.
Blaugrana ayaa saxiixeeda cusub ka dhigaysa Williams, kaasi oo ay doonayan inuu ka mid ka mid noqdo qorshaha Hansi Flick ee xilli ciyaareedkiisii ugu horreeyay.
Waxay ugu dambeyntii u qoondeeyeen Williams mid ka mid ah bartilmaameedyada ugu sarreeya ka dib markii ay la dhaceen qaab ciyaareedkiisa koox iyo wadanba.
Xili ciyaareedkii hore, Williams waxa uu dhaliyay 8 gool waxaana uu caawiye ka ahaa 19 gool 37 kulan oo uu saftay tartamada oo dhan,waxana uu ka caawiyay Athletic in ay ku guulaysato Copa del Rey isla markaana ay ku dhameysato kaalinta shanaad.
22 jirkaan ayaa door muuqda ka qaatay ololihii guusha ee Spain ee Euro 2024, isagoo ku soo bilowday lix ka mid ah todobadii kulan ee uu dalkiisa matalay.
Williams ayaa diiwaan gashaday seddex gool oo uu ka dhaliyay Horyaalada Yurub, oo uu ku jiro goolkii ay 2-1 kaga badiyeen England finalkii.
Weeraryahanka Athletic Bilbao ayaa wacdaro ka dhigay garabka bidix , halka Lamine Yamal ay halis joogto ah ka ahaa garabka midig ee Spain.
Barcelona ayaa u muuqata mid doonaysa in ay dib u midayso labadan xiddig ee heerka kooxeed iyada oo doonaysa in ay ka soo kabsato koob la’aanta.
Barcelona culeys uma arki doonto bixinta lacagta lagu burburin karo qandaraaska Williams ee € 58 milyan , inkastoo ay jiraan arrimo dhaqaale oo si wanaagsan loo diiwaangeliyay.