Baladweyne ( Radio Beerlula )-Liverpool ayaa xiiso xoogan u qabta saxiixa khadka dhexe ee daafaca kooxda Real Sociedad Martin Zubimendi.
Ciyaaryahanka ayaana haatan wajahaya go’aan weyn oo ku aadan inuu ka tago kooxdiisii caruurnimada iyo inkale.
25 jirkaan ayaa qaab ciyaareed wanaagsan soo bandhigay finalkii koobka qaramada Yurub ee ay ku guuleysteen Spain markaas oo xiddiga Manchester City ee Rodri uu dhaawac ku baxay waqtigii nasashada kulankii England.
Liverpool ayaan wali Sameynin wax saxiix ah oo kooxda koowaad ee uu hogaamiyo tababare Arne Slot iyo agaasimaha cusub ee ciyaaraha Richard Hughes.
Reds ayaa Zubimendi u qoondaysay bartilmaameedka ugu sarreeya si ay u xoojiso dhexda, oo u baahan horumarin in muddo ah.
Wataru Endo ayeey 16.2 milyan oo ginni kula soo wareegtay bishii August ee la soo dhaafay ka dib markii ay kooxdu wayday labada saxiix ee Moises Caicedo iyo Romeo Lavia kuwaas oo ku biiray Chelsea ka dib markii ay si aan qorshaysnayn uga tageen Jordan Henderson iyo Fabinho.