Baledweyne ( Radio Beerlula )-Maamulaha Liverpool Arne Slot ayaa sheegay in qaab ciyaareedka cajiibka ah ee kooxdiisa ay keentay awoodooda ay ku maamulan karaan inta badan kulamadii ay ciyaaraan.
Tababaraha reer Holland ayaa ku riyaaqay qaab ciyaareed cajiib ah noloshiisa Anfield isaga oo badiyay 11 ka mid ah 12-kii kulan ee ugu horeeyay tartamada oo dhan, waxana uu noqday tababarihii ugu horeeyay taariikhda kooxda ee ku guulaysta 6-dii kulan ee ugu horeeyay oo uu ku ciyaaray meel ka baxsan gurigiisa.
Guuldarro 1-0 ah oo ka soo gaartay Nottingham Forest bishii Sebtembar ayaa ah mida kaliya ee loo diiwaan galiyay Slot xili ciyaareedkaan.
Go’aanka ah inay sii socdaan guulaha Liverpool ayaa la ogaan doonaa marka ay booqdaan kooxda ay ku xafiiltamaan horyaalka
Premier League ee Arsenal, laakiin Slot ayaa ku kalsoon in kooxdiisa ay heysato awood dheeri ah
“Waxaa jira laba sababood oo aan gool looga dhalin karin kooxdeyda,” Slot ayaa u sheegay suxufiyiinta shirkiisa jaraa’id ee caawa. “Mid waa inaan maamulo kubadda inta badan.
Tan labaad ayuu ku sheegay inuu heysto daafac xoogaan oo isfaham badan ka dhaxeeyo, kuwaasoo kooxda ka caawiyay inay shabaqa ilaashadaan kulamo badan xili ciyaareedkaan.