Baledweyne ( Radio Beerlula )-Xiddiga garabka uga ciyaara kooxda Real Madrid ee Vinicius Junior ayaa lagu soo waramayaa in ay isha ku hayaan kooxaha Man United iyo Chelsea xilli uu dhawaan ku guuldareystay abaal marinta Ballon d’Or.
Vinicius ayaa sanadkan 2024 ku lumiyay abaalmarinta xiddiga khadka dhexe ee kooxda Manchester City Rodri isaga oo kaalinta labaad ka galay qiimayntii ugu danbaysay ee Ballon d’Or.
Sida lagu sheegay warbixin ay soo saartay Relevo, xiddiga heerka caalami ee dalka Brazil ayaa laga yaabaa inuu ka tago Real Madrid ka dib markii uu dhawaan ku guuldareystay Ballon d’Or.
Marka loo eego qaab ciyaareedkiisa wacnaa xilli ciyaareedkii hore, kooxo badan oo Yurub ah ayaa xiiseynaya saxiixiisa, waxaa kujira Manchester United, Chelsea iyo Paris Saint-Germain.
Vinicius wuxuu ku dadaalay inuu noqdo mid ka mid ah ciyaartoyda ugu muhiimsan Real Madrid sanadihii ugu dambeeyay.
Waxa uu Los Blancos ku soo biiray 2018 isaga oo kaga soo yimid kooxda reer Brazil ee Flamengo.
Vinicius ayaa dhaliyay 91 gool waxaana uu caawiyay 82 kale in ka badan 250 kulan oo uu u saftay Madrid.