Baladweyne (Radio Beerlula)Magaalada Baladweyne ee xarunta Gobalka Hiiraan ayaa lagu soo gabagabeeyay tartan kubada cagta kaasi oo ka socday garoonķa Maqaarshiishe Xaafada Buundo-wein islamarkaana ay ku guuleystay Kooxda LG United kadib markii laba iyo hal ugu badisay dhigeeda Fiiltare.
Munaasabada lagu gudoonsiinayay Abaalmarinada Kooxda LG United ayaa waxaa goob joog ahaa Gudoomiyaha Ciyaaraha Degamada Baladweyne Cusmaaciil Cali Xasan Sidaani, Macallin xulka Degmada Baladweyne Ustaad Abdifitah Mohamed Osman, gudigii soo qaban qaabiyay Tartanka , Dhallinyaro iyo qaybaha kale ee bulshada.
Warkan waxaa inoo haya Bilaal Daahir Waaneey.