Baledweyne ( Radio Beerlula )-Xabi Alonso ayaa ka mid ah magacyada loogu hadal haynta badan yahay ee la wareegi kara shaqada Real Madrid xilli ciyaareedka soo socda.
Alonso ayaa sii wadi doona mashruuca Los Blancos, isagoo Martín Zubimendi u dhaqaajin kara kooxda ugu guulaha badan Laliga.
Ciyaaryahanka khadka dhexe ee Real Sociedad ayaa ah mudnaanta koowaad ee tababaraha Basque, wuxuuna ogyahay tayadiisa gaarka ah.
Isagoo 25 jir ah, Zubimendi wuxuu noqday mid ka mid ah ciyaartooyda khadka dhexe ee ugu fiican ee ka ciyaarta horyaalka LaLiga Spain.
Awoodiisa aqrinta ciyaaraha, kubad dhisida iyo burburintiisa cajiibka ah waa waxa soo jiitay koox kasta oo dooneysa saxiixiisa.
Real Madrid oo ka warqabta waxa uu doonayo Xabi Alonso, ayaa durba bilowday inay sahamiso suurtagalnimada lagu heli karo laacibka khadka dhaxe ee Real Sociedad.
Xabi Alonso ayaa ku qanacsan in mar uun uu noqdo macalinka Real Madrid, iyadoo dhowr jeer Los Blancos muujisay xiisaha ay u qabto halyeygoodii hore.