Baladweyne ( Radio Beerlula )-West Ham United ayaa go’aansatay inay soo afjarto waayihii Julen Lopetegui oo ahaa tababarihii kooxda.
Kadib toddobaadyo la isla dhex marayay in laga ceyrin doono macalinka reer Spain, kooxda ka dhisan London ayaa si rasmi ah ugu dhawaaqay in tababaraha Basque la ruqseeyay sabab la xiriirta natiijooyinkii niyad jabka lahaa ee kooxdu heshay bilowga xilli ciyaareedkan.
Imaanshiyaha Lopetegui West Ham waxa ay keentay rajooyin aad u sareeya ka dib waqtigii wacnaa ee uu ku qaatay Sevilla,halkaas oo uu ku qaaday Europa League 2020.
Si kastaba ha ahaatee, tababarahaan waxa uu ku guul daraystay in uu la qabsado kibadda cagta Ingariiska, West Ham ayaana u dhacday kaalmaha ugu hooseeya Premier League.
Wararka xanta ah ee ku saabsan bixitaankiisa ayaa soo shaac baxay todobaadyo ka hor, laakiin go’aanka ayaa la qaatay ka dib guuldaradii ugu dambeysay ee Man City.
Hadda, kooxdu waxay raadineysaa Graham Potter, tababarihii hore ee Chelsea, kaasoo shaqo la’aan ah tan iyo markii uu ka tagay Blues.