Baladweyne ( Radio Beerlula )-Halyeeyga Arsenal, Ian Wright, ayaa ka codsaday guddiga kooxda inay taageeraan tababare Mikel Arteta si uu saxiixyo cusib ugu sameeyo suuqa January.
Wright ayaa hadlayay ka dib markii Gunners ay 2-0 ku garaacday Newcastle United lugtii hore ee semi-finalka Carabao Cup Talaadadii ka dhacday garoonka Emirates.
Inkastoo wiilasha Arteta ay maamulayeen ciyaarta, hadana waxa ay lumiyeen fursado waa weyn oo ay qasaariyeen Gabriel Martinelli iyo Kai Havertz.
Arsenal ayaa sidoo kale ku dhibtoonaysay inay jabiso daafaca Magpies-ka, waxayna inta badan u muuqdeen kuwo niyad jab ka qabay qeybta weerarka.
Bishii la soo dhaafay, waxa ay sidoo kale dhibco ku lumiyeen Fulham, Everton iyo Brighton, iyagoo ka dhacay tartanka horyaalka Premier League.
Wright waxa uu sheegay in kooxdu ay sii wadi doonto halganka islamarkaana loo baahan yahay in ay guddiga kooxda taageeraan qorshaha Arteta ee suuqa January.
Arsenal waxay dooneyso saxiixa weeraryahan tayo leh, laakiin wali ma cada miisaaniyada suuqa ee kooxda.