Baledweyne ( Radio Beerlula )-Xiddigii hore ee Tottenham Hotspur, Dele Alli ayaa la gaaray heshiis uu ugu biirayo kooxda talyaaniga ka dhisan ee Como.
Alli waxa uu tababar la qaadanayay kooxda Serie A dhowrkii toddobaad ee la soo dhaafay.
Ciyaaryahankii hore ee Everton iyo Besiktas ayaa ka soo qeyb galay kulankii Como ay guuldarada ka soo gaartay AS Roma bishii December ee la soo dhaafay.
Sida laga soo xigtay khabiirka suuqa kala iibsiga ee Fabrizio Romano, xiddiga Ingariiska ah ayaa saxiixi doona qandaraas socon doona ilaa June 2026 oo lagu dari doono dooq xilli ciyaareed dheeraad ah Axadda.
Romano ayaa warkaan ku sheegay qoraal uu soo dhigay bartiisa Twitter-ka Sabtidii maanta.
Como waxay ogolaatay heshiiska Dele Alli si uu si degdeg ah ugu biiro kooxda, waxaa la dhameyn doonaa heshiiskaan saacadaha soo aadan ama axadda beri ah” ayuu yir Fabrizio Romano.