Baladweyne ( Radio Beerlula )-Kooxda Liverpool ayaa si guul leh ku dhamaysatay safarkeedii ugu horreeyay ee diyaar garowga xilli ciyaareedka ee Asia kadib markii ay ka adkaadeen kooxda reer Japan ee Yokohama Marinos. Tababaraha cusub ee kooxda, Arne Slot, ayaa ka hadlay diyaar garowga kooxdiisa iyo waxyaabihii uu ka bartay kulankan.
Slot wuxuu amaanay tartanka adag ee ay kala kulmeen Yokohama, isagoo xusay in ay tahay nooca ciyaaraha ay doonayaan xilligan — kuwa xoogan oo ciyaartoyda si dhab ah u tijaabiya. Inkastoo gool lagala hormaray, Liverpool way soo laabatay, taasoo uu Slot ku tilmaamay astaan fiican, gaar ahaan saameynta ay yeesheen ciyaartoyda beddelka kusoo galay.
Si kastaba ha ahaatee, wuxuu sheegay in kooxda ay weli leedahay khaladaad difaac oo la mid ah kuwii la arkay kulankii AC Milan, isla markaana ay tahay meel ay degdeg uga shaqeyn doonaan ka hor kulanka Athletic Bilbao.
Wuxuu sidoo kale xusay in inkastoo ay hore ugu guuleysteen horyaalka xilli ciyaareedkii hore, hadda uusan jirin waqti loogu raaxaysto guulahaas hore. Diiradda waxay saaran tahay xilli ciyaareedka cusub, maadaama Premier League uu noqon doono mid ka adag kii hore.
Slot wuxuu xusuustay sida ay u garaacday Newcastle oo koobka League Cup ku qaaday Wembley, wuxuuna rajeynayaa in markan ay Liverpool u muuqato koox waji cusub leh marka ay Super Cup-ka wajahayaan.