Baledweyne ( Radio Beerlula )-Weeraryahanka kooxda Real Madrid, Kylian Mbappé, ayaa shaaca ka qaaday inuu aad ugu haminayo guul iyo waxqabad weyn xilli ciyaareedka cusub.
– Advertisement –
Mbappe oo 26 jir ah ayaa fariin dhiirrigelin leh soo dhigay Instagram-kiisa fiidnimadii Isniinta, wuxuuna yiri:
“Xilli ciyaareedka cusub, waxaan u oomanahay inaan wax weyn sameeyo oo aan koobab ku guuleysto.
Aan wada soconno, Madridistas. HALA MADRID.”
💥 Mbappe & Xilli Ciyaareedkan:
- Mbappé ayaa ah kabtanka xulka France iyo lambarka 10-aad ee cusub ee Real Madrid.
- Waxa uu xilli ciyaareedkii hore dhaliyay 44 gool, isagoo ku guuleystay abaalmarinta Pichichi iyo Golden Boot.
- Waxaa sidoo kale la xaqiijiyay inuu noqon doono xiddiga rigoorooyinka u laadi doona kooxda Alonso xilli ciyaareedkan.
Mbappé ayaa sanadkii hore uga soo wareegay Paris Saint-Germain kooxda Los Blancos, waxaana lagu tilmaamayaa inuu yahay tiir dhexe oo kooxda lagu dhisi doono sannadaha soo socda.