Baladweyne ( Radio Beerlula )-Daaficii hore ee Manchester United Gary Neville ayaa sheegay in barbarihii 1-1 ee dhexmaray Arsenal iyo Manchester City uu ka dhigan yahay in Liverpool ay yihiin guuleystayaasha dhabta ah ee kulankaas.
City ayaa hoggaanka ku qabatay gool uu dhaliyay Erling Haaland daqiiqaddii 9aad, hase yeeshee Gabriel Martinelli ayaa waqtigii dambe u keenay Arsenal dhibic muhiim ah.
Natiijada ayaa ku qasbeysa in Arsenal shan dhibcood ka hoos marto Liverpool oo horyaalka hoggaamineysa.
Neville ayaa u sheegay Sky Sports:
“Guardiola gacmaha ayuu laabtay – 25 ilaa 30 daqiiqo ka hor dhammaadka ayuu go’aansaday sida uu doonayo inuu guusha ku helo, aad ayuuna ugu dhowaaday. Laakiin waa in la amaano Arsenal, Eze iyo Martinelli, sababtoo ah hal-abuurkaas daqiiqadihii ugu dambeeyay wuxuu ahaa cajiib. Kooxda buluuga ah [City] way niyad jabtay.”
Isagoo sii hadlaya ayuu ku daray: “Wuxuu ahaa kulan dagaal badan oo daal leh, midna ma caawin doonin labada kooxood, balse Liverpool ayaa laga yaabaa inay yihiin kuwa aadka ugu farxay barbarahan.”