Baladweyne ( Radio Beerlula )-JXiddiga Real Madrid, Vinícius Junior, ayaa la hadlay warbaahinta kaddib guushii 3-1 ee ay kooxdiisu ka gaartay Villarreal kulan ka tirsan wareegga siddeedaad ee La Liga, kaas oo ka dhacay Santiago Bernabéu.
Vinícius ayaa yiri:“Waxay ahayd ciyaar adag; waxaan la ciyaarnay koox si heer sare ah ku socotay xilli ciyaareedkan. Aad ayaan ugu faraxsanahay inaan guul ku soo laabanno Bernabéu oo aan ciyaar fiican tusno taageerayaasheenna. Waxaan rajeynayaa inaan ku soconno wadadan oo aan si tartiib tartiib ah u sii hagaagno, maxaa yeelay xilli ciyaareedku waa mid dheer.”
Markii laga weydiiyay qaabkiisa shaqsiyeed, wuxuu intaas ku daray:“Waxaan u maleynayaa inaan ciyaar fiican sameeyay, waxaanan rabaa inaan heerkan sii ilaaliyo si aan kooxda u caawiyo. Kalsooni ayaan ku qabaa naftayda, waan ogahay waxa aan halkan ka qabtay, waxaana had iyo jeer doonayaa inaan sii bixiyo wax badan.”
Isagoo ka hadlay taageerayaasha iyo garoonka, ayuu yiri:
“Taageerayaashu iyo garoonkan waxay noo yihiin wax kasta. Waa inaan sii wadnaa inaan sidaan u ciyaarno haddii aan rabno inaan horyaalka ku guuleysanno, waayo waan ognahay in hawshu aysan sahlanayn. Ciyaaraha aan gurigeenna ku ciyaareyno dhibco ma lumin karno.”