Baladweyne (Radio Beerlula)- Tababaraha Man City ee Pep Guardiola ayaa dhaleeceyn kulul u jeediyay ciyartooydiisa ka dib kulankii xalay ee horyaalka Ingiriiska
City ayaa natiijada ku rogtay Tottenham kuwaasi oo nasiinada laba gool ugu dirtay balse wiilasha Pep waxa ay ku badaleen 4/2
“Si wacan ayaan u ciyaarnay labada qeyb balse ciyaartooyda waxaa ka maqnaa geesinimada, xamaasadda iyo rabitaanka guusha daqiiqadda ugu horeysa, sidoo kale taageerayaasha kooxda 45 daqiiqo ayay aamusnaayeen waa in ay soo celiyaan xamaasadda” ayuu Pep ku yiri saxaafadda
Arinta loolanka horyaalka waxa uu macalinka yiri” heer ciyaareedkeena aad ayuu ugu fog yahay in aan xilli ciyaareedkaan u tartanno horyaalka Ingiriiska
” Waa in aan soo ceshannaa tamarteenii wax ku oolka aheyd waayo waxaa naga horeeya Arsenal kuwaasi oo si waali ah ugu hammuun qaba horyaalka , kooxdeyda rabitaan badan kama muuqda oo la mid ah midkii xili ciyaareedyadii hore ”
Ugu dambeyn waxa uu yiri ” miyaan aaminsanahhay in Arsenal soo qaban karno iyadoo la eegayo habka aan u ciyaareyno, taasi waa mustaxiil”.