Baladweyne (Radio Beerlula)-Tababaraha Real Madrid, Carlo Ancelotti, ayaa ka hadlay mustaqbalkiisa kooxda Real Madrid xilli lala xidhiidhinayo xulka qaranka Brazil wakhtiga soo socda.
Wargeyska Madrid ka soo baxa ayaa daabacay bayaan uu soo saaray Ancelotti, kaddib markii uu ku hogaamiyay kooxda ku guuleystaan Koobka Kooxaha Adduunka kulan ay 3/5 ku garaaceen kooxda Al-Hilal ee ka ciyaarta horyaalka Sucuudiga.
Ancelotti ayaa ciyaarta ka dib yiri”Kama tagi doono Real Madrid ilaa ay iga ceyriyaan tababarka kooxda.”
Tababare Carlo Ancelotti ayaa kooxda Real Madrid shaqo fiican ka qabtay tan ilaa markii uu ku soo laabtay kooxda isaga oo kula guulaystay koobab badan.
Ancelotti ayaa Real Madrid kula guulaystay koobkii 4-aad xilli ciyaareedka kadib markii uu horay ugu hogaamiyay Champions League, La Liga iyo Super Cup-ka UEFA.