Baladweyne ( Radio Beerlula ) Xiddiga kooxda PSG iyo xulka qaranka Argentina ee Lionel Messi ayaa ku guulaystay abaalmarinta xiddiga ugu fiican adduunka ee The Best.
Messi ayaa abaalmarinta ku garaacay xiddigaha Isku xulka ah ee Benzema iyo Mbappe kuwaas oo ku fashilmay in ay Messi ka fara maroojiyaan abaalmarinta.
Leo Messi ayaa abaalmarinta ku guulaystay markii 2-aad ee taariikhdiisa waxana uu noqday xiddiga ugu fiican adduunka ee The Best.
Xiddiga ayaa ku guulaystay abaalmarinta kadib markii uu xulkiisa Argentina ku hogaamiyay koobkii adduunka ee ka dhacay dalka Qatar.
Lionel Messi ayaa dhaliyay 7 gool koobkii adduunka waxana uu caawiye ka noqday 3 kale kulamadii uu xulkiisa koobkii adduunka u ciyaaray.