Baladweyne ( Radio Beerlula) – Tartanka kubadda cagta degmooyinka iyo deegannada gobolka Banaadir ee ka socda Magaalada Muqdisho ayaa xiligan maraya heer gabo gabo ah.
Kooxaha Gubadley iyo Yaaqshid ayaa galabta fooda isku daray garoonka kubadda cagta Eng Yariisow ( ex koonis) iyadoo ciyaartan ay daawanayeen boqolaal dad ah iyo masuuliyin ka tirsan labada degmo.
Ciyaarta ayaa 90-kii daqiiqo ee loogu talo galay ku soo dhamaatay barbaro 0-0.
Deegaanka Gubadley ayaa iska xaadirisay finalkaa tartanka degmooyinka iyo deegaanada gobolka Banaadir kadib markii rigoorayaal 4-1 ay uga badiyeen kooxda kubadda cagta degmada Yaaqshid.