Baladweyne (Radio Beerlula)- Xuutiyiinta Yemen iyo dowladda caalamku aqoonsan yahay ee dalkaasi ayaa sheegay inay heshiis ku gaareen in ku dhawaad 900 oo maxbuus ay is dhaafsadaan intii ay socdeen wadahadalladii Switzerland.
Xuutiyiinta Yemen ee xulafada la ah Iran ayaa sheegay inay sii deyn doonaan (181) maxbuus, oo ay ku jiraan qaar u dhashay Sucuudiga iyo Suudaan.
Dhanka dowladda Yemen waxay siideyn doontaa in ka badan 700 oo maxaabiis ah.
Ergeyga gaarka ah ee Qaramada Midoobay, Hans Grundberg, ayaa sheegay in ay jirto rajo cusub oo laga qabo heshiis dhammaystiran oo lagu soo afjaro colaadda dalka Yemen.