Baladweyne (Radio Beerlula)-Shirkadda Amazon ayaa qorshaynaysa inay toddobaadada soo socda ay shaqada ka erido in ka badan 9,000 oo shaqaale ah, sida laga soo xigtay maamulaha sare ee shirkaddaas Andy Jassy oo qoraal la wadaagay shaqaalaha maalinimadii Isniinta.
Tallaabadan ayaa noqonaysa, shaqo dhimistii labaad ee ugu ballaadhnayd ee ay abid samayso shirkadda Amazon, iyada oo hore shaqada uga fadhiisisay illaa 18,000 oo shaqaale ah.
Shirkadaha waaweyn ee dhinaca teknoolojiyadda ayaa ku dhawaaqay inay sannadkan dhimi doonaan kumanaan shaqaal ah.
Qoraalka uu shaqaalaha la wadaagay maamule Andy Jassy ayaa sidoo kale sheegay in bishan la dhamaystiray wejiga labaad ee qorshe sannadeedka shirkadda, kaasoo horseeday in shaqada laga fadhiisiyo shaqaale kale.
Wuxuu sheegay inay weli shirkaddu sii wadayso inay meelaha qaarkood u qorato shaqaalaha looga baahan yahay.
Shirkadda Amazon waxaa u shaqeeya illaa 1.6 million oo qof.