Baladweyne (Radio Beerlula)-Xidigii hore ee Kooxaha Manchester United iyo Arsenal ee Alexis Sanchez ayaa gool cajiib ah oo koorno ah udhaliyay xulka Chile taas oo jamaahiirta ka yaabisay.
Khabiirka weerarka ka ciyaara oo 34 sano jir ah ayaa ku fashilmay premier League markii uu Arsenal ka tagay kuna biiray Man United.
Xiddiga ayaa ciyaarayay kulankii 153 ee xulka qarankiisa Isniintii kulan saaxiibtinimo oo ay la ciyaareen xulka Paraguay.
Sanchez ayaa dhaliyay goolkiisii 51-aad iyada oo 15 daqiiqo ka dhimantahay dhamaadka ciyaarta isla markaas xulkiisa ku soo celiyay ciyaarta kana dhigay 2/2.
Laakiin Sanchez ayaan halkaas ku joogsan waxana uu daqiiqadii 92-aad dhaliyay gool koorne toos ah oo la yaab leh isaga oo xulkiisa ku hogaamiyay guul 3/2 ah.