Baladweyne (Radio Beerlula)-Horyaalka waddanka Ingiriiska ee Premier League ayaa shaaciyey liiska siddeedda ciyaartoy ee ku tartamaysa abaal-marinta xiddigii ugu fiicnaa bishi April.
Rikoodh jabiyaha Erling Haalnad, saaxiibkiisa Man City ee Kevin De Bruyne iyo weeraryahannada Newcastle ee Alexander Isak iyo Callum Wilson ayaa ku jira liiska xiddigaha ku tartamaya abaal-marinta EA Sports Player of the Month ee bisha April.
Haaland oo laba gool ka dhaliyey Southampton, mid kalena raaciyey ciyaartii Leicester City ayaa waxa uu ku darsaday lba caawinood oo uu sameeyey ciyaartii Arsenal iyo gool uu waqti dambe shabaqa Arsenal taabsiiyey. Waxa kale oo uu Fulham ka dhaliyey rikoodhe.
Dhinaca kale, De Bruyne ayaa saddex gool iyo saddex caawimood sameeyey bishii April, waxaana uu laba jeer shabaqeeda soo taabtay Arsenal.
Isak iyo Wilson ayaa iyaguna wacdaro dhigay bishii tagtay, waxaana afar gool dhaliyey weeraryahanka reer Sweden ee Isak oo ku daray hal caawin,halka laacibka reer England ee Callum Wilson uu siddeed gool dhaliyey, hal caawin ahna raaciyey.
Waxa kale oo liiska tartameyaasha abaal-marinta xiddiga bisha ku jra Ebere Eze oo Crystal Palace afar gool u dhaliyey, Ollie Watkins oo shan jeer shabaqa usoo taabtay Aston Villa, Dominic Solanke oo Bournemouth ah iyo Diogo Jota oo Liverpool goolal u dhaliyey kulamdii Leeds United, Nottingham Forest iyo Tottenham Hotspur.