Baladweyne (Radio Beerlula)-Chelsea ayaa qorsheynaysa inay Lionel Messi kula soo wareegto qaab xor ah dhamaadka xilli ciyaareedkan sida ay sheegayaan wararku.
Sida laga soo xigtay Football London, kooxda ka dhisan Galbeedka London ayaa ka mid ah kooxaha doonaya saxiixa halyeeyga reer Argentine.
Sidoo kale Messi ayaa xiiso ka helaya kooxaha Barcelona, Inter Miami iyo waliba kooxda sucuudiga ee Al-Hilal.
Messi ayaa bisha June noqon doona xiddig xor ah bisha June waxana la filayaa in uu isaga tago kooxda PSG dhamaadka xilli ciyaareedkan.
Xiddiga koobka adduunka ku guulaystay ayaa la saadaalinayaa in uu ku laaban doono kooxda Barcelona laakiin xaalad dhaqaale xumo ayaa haysata kooxda.
Chelsea ayaa ku jirta xilli ciyaareedkeedii ugu xumaa muddo 10 sano ah, waxaana hubaal ah inay ka maqnaan doonto Champions League iyo Europa League xilli ciyaareedka soo socda.
Si ka duwan Barcelona, Chelsea ayaa awood u leh in ay la soo saxiixato Messi maadama ay haysato dhaqaale fiican taas oo ka caawin karta Saxiixa Messi.