Baladweyne ( Radio Beerlula )-Kooxda kubadda cagta Arsenal ayaa xubin firfircoon kasii ahaan doonta suuqa iibka ciyaartoyda ee xagaagan oo ay hore ugala soo wareegtay weerarayahanka reer Germany ee Kai Havertz, sidoo kalena ay isku diyaarinayso shaacinta xiddiga England ee Declan Rice.
Arsenal oo kharash garaysay£65 milyan oo Gini oo ay kusoo iibsatay Kai Havertz iyo Declan Rice oo ay £105 milyan oo Gini kaga soo iibsanayaan ayaa waxa kale oo ay doonaysaa difaaca Ajax ee Jurrien Timber oo qiimihiisa lagu sheegay £45 milyan oo Gini.
Gunners ayaa marka ay labadan saxeex ee u hadhsan shaaciso, waxa lacagta ay suuqa gelisay xagagan ay noqon doontaa rikoodh jabis sare u dhaafaysa £200 milyan oo Gini, waxaanay taasi keenaysaa in ay ciyaartooyo xaraashaan si ay usoo celiyaan qaybo ka mid ah lacagtaas.
Sida uu sheegay telefishanka Sky Sports, Arsenal waxay suuqa dhigaysaa lix ciyaartoy oo ay iska dirayso, kuwaas oo ku bixi doona iib iyo amaah, waxaanay ciyaartoydaasi kala yihiinNicolas Pepe, Folarin Balogun, Albert Sambi-Lokonga, Nuno Tavares, Cedric Soares iyo Marquinhos.
Pepe oo sannadkii 2019 ay £72 milyan oo Gini kaga soo iibsadeen Lille ayaa xilli-ciyaareedkii tegay amaah ugu maqnaa Nice, waxaanay Gunners doonaysaa in ay iibiso xagaagan maadaama uu xor ka noqonayo 12 bilood kaddib.
Balogun oo isaguna amaah uu isku muujiyey kusoo qaatay Reims oo xilli ciyaareedkii hore uu usoo dhaliyey 21 gool, qiimihiisana lagu sheegay £50 milyan oo Gini ayay doonayaan kooxo Premier League ah iyadoo ay muuqato in aanu boos ka helayn weerarka oo ay ka haystaan Gabriel Jesus iyo Edde Nketiah.
Sambi-Lokonga, Tavares iyo Soares ayaa ay kooxdu doonaysaa in ay si rasmi ah u iibiso, halka Marquinhos ay amaah ugu dirayaan amaah kale iyadoo uu xilli-ciyaareedkii horena ku maqnaa Norwich City.