Baladweyne ( Radio Beerlula )-Xiddiga khadka dhexe uga ciyaara Manchester United ee Bruno Fernandes ayaa go’aan ka gaadhay mustaqbalkiisa kaddib markii uu dalab weyn oo lacag badan xambaarsan uu ka helayo horyaalka waddanka Sucuudiga.
Bruno Fernandes oo la filayo in loo magacaabo kabtanka rasmiga ah ee Manchester United ayaa wxa u gacan haadisay oo laba-jeer dalabyo kala dambeeyey usoo bandhigtay koox Sucuudi ah.
Suuqa iibka ciyaartoyda ee xagaagan 2023, ayaa waxa uu horyaalka Sucuudigu lacag ku muquuniyey kooxo waaweyn oo uu ka qaatay ciyaartooyo waaweyn, sida Karim Benzema, N’Golo Kante, Ruben Neves, Cristiano Ronaldo iyo Fabinho.
Inkasta oo aan la magacaabin, tiro kooxo horyaalka Sucuudiga ah ayaa dalab usoo dirtay Bruno Fernandes dhamaadka bishii May, waxaanay u ballan-qaadeen lacag waalli ah, kuwaas oo mar kalena hadda kusoo rogaal-celiyey.
Wariyaha ciyaaraha ee Fabrizio Romano oo soo gudbiyey xogta dalabka kooxaha Sucuudiga ee Bruno Fernandes ayaa yidhi: “Bilo yar ka hor, dhamaadka bishii May, kooxo Sucuui ah ayaa lasoo xidhiidhay Bruno Fernandes oo usoo bandhigay dalab lacag waalli h uu ku helayo.
“Fikradda Bruno Fernandes mar walba waa isku mid, waana uu diiday. Waxa uu doonayaa in uu sii joogo Manchester United oo uu guulo la gaadho. Waxa uu dareensan yahay in ugu dambayn mashruuca Manchester United uu qaadayo tallaabadii xigtay, waxaana uu rumaysan yahay in uu yahay ciyaartoy muhiim u ah United oo uu kabtan noqonayo.”