Baladweyne (Radio Beerlula)-Tababaraha Kooxda Fulham ee Marco Silva ayaa kooxda Arsenal u saadaaliyay ku guulaysiga horyaalka premier League xilli ciyaareedkan inkasta oo ay Gunners ku fashilantay in ay 3 dhibcood ka qaadato Fulham.
Gunners ayaa u muuqatay kuwo soo laabasho sameeyay kadib markii ay 2 gool ka dhaliyeen Fulham oo hal gool ku hogaaminaysay ciyaarta.
Si kasta ha ahaatee Arsenal ayaa 2 dhibcood iska lumisay kadib markii ay bar-baro 2/2 ah la gashay kooxda Fulham.
Kooxda Arsenal ayaa bar-baro gashay kulankoodii 3-aad laakiin Silva ayaa sheegay in ay kooxda Arsenal awood u leedahay ku guulaysiga horyaalka.
“Tayada ay kooxda ku soo dareen waa mid cajiib ah, waxa aan qabaa in ay ku tartami doonaan horyaalka sababta oo ah waxa ay haystaan xiddigo tayo leh”ayuu yidhi.
Arsenal ayaa todobaadka dambe la ciyaari doonta kooxda Man United iyaga oo mari doona tijaabadii ugu horaysay ee horyaalka premier League.