Baladweyne (Radio Beerlula)-Kooxda kubadda cagta Arsenal ayaa qaadaysa tallaabo ay kaga aargoosanayso Juventus oo u diidday weeraryahanka Dusan Vlahovic oo ay ka hor qaadday bishii January ee sannadkii hore, waqtigaas oo Gunnes ay doonaysay inay kala soo wareegto Fiorentina.
Mikel Arteta ayaa la sheegay in uu go’aamiyey in kooxdiisa Arsenal ay bilowdo hawlgal ay Juventus adhaxda kaga jabinayso oo ay kaga qaadayso ciyaartoy ay kooxda Talyaanigu doonaysay inay ka dhigato beddelka Paul Pogba oo ay u badan tahay in uu ciyaaraha ka fadhiisto, iyadoo lagu ridayo ganaax.
Juventus ayaa waxay January 2022 la saxeexatay Vlahovic oo ay kasoo bixisay £66.6 milyan oo Gini, iyadoo Arsenal oo si weyn u doonaysay ay samirtay.
Sida ay warbaahinta Ingiriisku sheegeen, Arsenal ayaa waxay markan samaynaysaa aargoosi, waxaanay Juventus uga hormarayaan xiddiga khadka dhexe ee reer Ukraine ee Georgiy Sudakov oo la sheegay in Old Lady ay doonaysay inay la saxeexato oo ay ka dhigato beddelka Pogba.
Gunners ayaa waxa ay mar horeba xidhiidh la samaysay Shakhar Donetsk oo ay isku dayayso inay kala xaajooto iibka iyo qiimaha Georgiy Sudakov oo ay da’diisu tahay 21 jir.