Baladweyne ( Radio Beerlula )Tababaraha Kooxda Real Madrid ee Carlo Ancelotti ayaa magacaabay laba xiddig oo kooxdiisa ah kuwaas oo door weyn ka ciyaaray guushii ay kooxdiisu ka gaadhay Liverpool.
Real Madrid ayaa hal lug la gashay wareega 8 dhamaadka tartanka champions League kadib markii ay 5/2 ku garaaceen kooxda Liverpool oo garoonkeeda joogta.
Ancelotti oo arintaas ka hadlaya ayaa yidhi”Waxa aan doonayaa in aan amaano Rodrygo sababta oo ah waxa uu shaqo fiican ka qabtay garoonka”.
“Waxa uu u ciyaaray sidii aan doonayay waxana uu qabtay shaqadii aan ka dalbaday”.
“Sidoo kale Vinícius Júnior Haatan waa xiddiga ugu fiican adduunka waana xiddig go’aamin kara kulamada waliba si joogto ah”ayuu sii raaciyay.
Kooxda.com ayaa xusaysa in xiddiga Vinícius Júnior uu dhib ku ahaa Liverpool isaga oo ku lug lahaa 3 ka mid ah 5-tii gool ee ay Real Madrid ka dhalisay ciyaarta.