Aqoon isweydarsi ku saabsan waxbarashada madaniga iyo wacyi gelinta codbixiyasha doorashooyinka sannadka 2020-ka ayaa lagu qabtay magaalada Muqdisho kaasoo socon doona muddo labo maalmood ah.
Haween kala socda degmooyinka gobolka Banaadir ayaa ka qeyb galaya aqoon isweydarsigan.
Aqoon isweydarsigan ayaa looga doodi doona qaabka gabdhaha da’a yar loogu wacyi gelin lahaa ka qeyb qaadashada doorashooyinka lagu wado inay dalka ka dhacan sannadka 2020-ka.
Xuseen Cabdi Aadan oo xubin ka ah guddiga madaxa banaan ee doorashooyinka qaranka iyo xoghayaha guud ee guddiga madaxa banaan ee doorashooyinka qaranka Cabdirisaaq Bashiir Maxamed ayaa ka waramaya ahmiyadda aqoon is weydarsigan.
