Baladweyne(Radio Beerlula)-Arsenal ayaa lagu soo waramayaa inay kalsooni ku qabto fursada ay xagaaga ugu dhaqaaqi karto xiddiga khadka dhexe ee West Ham United iyo kabtanka kooxdaas ee Declan Rice iyaga oo ka dhigtay xiddiga bartilmaameedkooda 1-aad ee xagaaga.
Rice ayay kaliya 18 bilood uga dhimantahay heshiiskiisa kooxda West Ham waxana la filayaa in uu isaga tago kooxda xagaaga.
Xiddiga khadka dhexe ayaa daacad u ahaa West Ham tan iyo markii uu kaga soo biiray akadeemiyada Chelsea xagaagii 2013, inkastoo ay xiiseynayeen Blues, Manchester City iyo Manchester United iyo kuwa kale.
Tababaraha West Ham David Moyes ayaa si cad u sheegay in Rice uusan iib ahayn laakiin West Ham iska iibin karto xiddiga 24 jirka ah hadii ay xal u waydo heshiiskiisa.
Sida laga soo xigtay The Athletic, Rice ayaa hadda noqotay bartilmaameedka ugu sarreeya ee Arsenal ka hor xilli ciyaareedka 2023-24, Hogaamiyayaasha premier League ayaana rajo ka qaba in ay heli karaan saxiixa xiddiga.
Inkasta oo 2 sano ka dhimanyahay heshiiskiisa hadana kooxda West Ham ayaa lagu soo waramayaa in ay xiddiga ku qiimayso lacag dhan 80 milyan oo euro isla markaas iibin karto xagaaga.