Baladweyne (Radio Beerlula)-Kooxda hogaanka u haysa horyaalka Premier League ee Arsenal ayaa lagu soo waramayaa in ay ku dhawdahay in ay heshiis wakhti dheer ah ka saxiixato xiddiga ugu muhiimsan kooxda ee Bukayo Saka.
Xiddiga Arsenal iyo xulka England ayaa haatan kooxda kula jira heshiis ilaa xagaaga 2024 ah waxana la rumaysanyahay in ay kooxdu muhiimada ugu weyn ka dhigatay in ay heshiis cusub ka saxiixato xiddiga.
Iyaga oo wakhti horeba heshiis cusub ka saxiixday xiddiga Gabriel Martinelli, waxa ay kooxdu haatan diirada saaraysaa kuna kalsoontahay in ay heshiis cusub ka saxiixato xiddiga kadib horumar ay ka sameeyeen wadahadalada.
Sida laga soo xigtay Football Insider, suurtogalnimada in Saka uu ka tago kooxda waa mid hooseeya, qandaraaskan cusub ayaa kaliya sii xoojin doona booskooda ah inay sii heystaan haddii ay koox kasta la yimaadaan dalab.
Ka dib markii uu dhaliyay 11 gool isla markaana diiwaan gashaday todobo caawin Premier League xilli ciyaareedkii hore, Saka ayaa durbaba 15 gool oo kale ku lug lahaa magaciisa xilli ciyaareedkan iyadoo kooxda Mikel Arteta ay sii wadato qaab ciyaareedka fiican.