Baladweyne ( Radio Beerlula )-Arsenal ayaa lagu soo waramayaa inay ku dagaalamayaan weeraryahanka Brentford Yoane Wissa inta lagu jiro suuqa kala iibsiga bishaan Janaayo.
Sida laga soo xigtay The Telegraph, qaab ciyaareedka cajiibka ah ee xiddiga DR Congo wuxuu soo jiitay tababare Arteta oo hogaamiya Arsenal.
Xiddiga Wissa ayaa dhaliyay 12 gool tartamada oo dhan, taasoo keentay inuu xiiso ka helo kooxo badan oo Premier League ka dhisan.
Forest, tababaraheeda Nuno Espirito Santo, ayaa lagu soo waramayaa inuu isha ku hayo Wissa oo loo arko bedelka Taiwo Awoniyi oo bixi kara bishaan Janaayo.
West Ham ayaa la sheegay inay xiisaynayso Awoniyi, maadaama dhibaato badan oo dhanka weerarka ah kooxdu qabto xili ciyaareedkaan.
Arsenal oo xil ciyaareedkaan inta ka dhiman uu ka maqnaan doono Jesus oo dhawac ah, waxay raadineysaa weeraryahan cusub. Waxaa loo arkaa inuu nooqn karo Yoane Wissa.