Baladweyne (Radio Beerlula)-Tababaraha kooxda Arsenal Mikel Arteta ayaa xaqiijiyay in ciyaartoydiisa ay wali rumeysan yihiin ku guulaysiga horyaalka premier League kadib markii ay 3/1 kaga badiyeen Chelsea.
Gunners ayaa Emirates ku soo dhawaysay kooxda ay xafiiltamaan ee London ka dib markii ay Manchester City garaacday kuna jireen 4 kulan oo guul la’aan ah.
Guuldaradii 4-1 ee Arsenal ka soo gaartay kooxda heysata horyaalka usbuucii hore waxay la micno tahay in masiirkooda horyaalka uusan ku jirin gacmahooda, laakiin waxay uga jawaabeen qaab ku dhow inay dhibaato kale u geystaan kooxda Frank Lampard.
Kooxda Arteta ayaa haatan dib ula wareegay hogaanka premier League iyaga oo 2 dhibcood ka horeeya kooxda Man City.
Mar la waydiiyay in ciyaartoydiisu ay wali aaminsan yihiin in horyaalka ay ku guulaysan karaan, Arteta waxa uu ku jawaabay si aan ka leex leexad lahayn, inkasta oo uu aad uga xumaaday in kooxdiisu ay wax gool ah dhalin wayday horaantii qaybtii dambe ee ciyaarta.
“Taasi shaki kuma Jiro, taas waan ka wada hadalnay, hadda waxaan joognaa meesha ugu sareysa, afar kulan ayaa noo harsan, waa inaan u diyaargarownaa Newcastle hadda, aan aragno waxa dhaca, waxa aan xakameyn karno waa inaan badino kulamadeena”