Baladweyne ( Radio Beerlula )-Jilaaga caanka ah ee aflaanta Bollywoodka Saif Ali Khan ayaa isbitaal loo dhigay dhaawacyo badan oo tooreey ah ka dib markii la sheegay in qof soo galay gurigiisa uu weeraray.
Weerarka ayaa subaxnimadii hore ee Khamiista ka dhacay xaafad kore oo ku taal magaalada Mumbai, halkaasoo Khan uu kula nool yahay qoyskiisa.
Booliska magaalada ayaa BBC-da u sheegay in jilaaga uu dhaawacmay ka dib markii ay gacan ka hadal ku dhex maray isaga iyo nin aan la aqoonsan oo gurigiisa galay saqdii dhexe kadib.
Qoyska Khan ayaan wax hadal ah ka soo saarin dhacdada iyadoo dhaqaatiirta ay sheegeen in laba ka mid ah dhaawiciisa ay yihiin kuwa daran gaar ahaan qeybta laf dhabarta.