Banaanbax looga soo horjeedo madaxweynaha Masar oo ka dhacay Qaahira.

0
269

Baladweyne(Radio Beerlula)- Booliiska dalka Masar ayaa waxay isticmaaleen sunta dadka ka ilmeysiisa si ay u kala ceyriyaan dibadbaxayal isugu soo baxay magaalada Qaahira.

Waa dibadbaxii ugu horreeyya ee Masar ka dhaca tan iyo intii uu xukunka la wareegay madaxwayne Cabdul Fattax al-Sisi 2014.

Boqollaal reer Masar ah ayaa soo buux dhaafiyay fagaaraha Taxriir ee Qaahira- oo ahayd goobtii uu ka bilaabmay kacdoonkii Masar ee 2011 xukunka looga tuuray Xusni Mubaarak.

Waxaa sidoo kale dibadbaxyo laga soo sheegayaa meelo kale oo ka tirsan dalka masar.

Dibadbaxayaasha ay ka jawaabayay eedeeyn musuqmaasuq oo loo soo jeediyay dowladda madaxwayne Sisi.

Ganacsade reer masar ah islamarkana ah jilaa, Moxamed Cali, ayaa muuqaalo is xig-xiga oo uu ku baahiyay baraha bulshada waxa u ku eedeeyay madaxwayanha Masar in malaayiin doolar uu ku lumiyay dhismooyiin kuwa raaxadaa ah iyo huteelo xilli ay malaayiin reer Masar ah ku nool yihiin faqri.

Dowladda Masar ayaa muddooyinkii ugu dambeeyay waday barnaamij gunti-giijis dhaqaale ah ka dib dhibaato dhaqaale oo dalkaasi la soo gudboonaatay.

Madaxwayne Sisi ayaa beeniyay eedeeynta waxa uuna ku tilmaamay “been”.

LEAVE A REPLY

Please enter your comment!
Please enter your name here