Baledweyne ( Radio Beerlula )-Barcelona ayaa lumisay hogaanka horyaalka La Liga saddexdii kulan ee la soo dhaafay, laakiin wadada guusha ayay heshay caawa markii ay kooxda Mallorca ku garaacday garoonkeeda.
Catalans ayaa soo bandhigtay shaxdii ugu xooganeyd, Robert Lewandowski ayaa lagu badalay Ferran Torres, iyadoo ujeedka Hansi Flick uu ahaa inuu isbedel ku sameyo shaxdiisa.
Barcelona ayaa hogaanka ciyaarta la wareegtay waxaana u dhaliyay gool Ferran Torres, laakiin goolka barbaraha Malorca waxaa u dhaliyay daqiiqadii ugu danbeysay qeybtii hore ee ciyaarta.
Ciyaaryahan Lamine Yamal ayaa bilowgii qeybtii labaad ee ciyaarta rigoore lagu galay, waxaana fursadaas gool u badalay Raphinha oo mar kale hogaanka u dhiibay kooxda Bulgrana.
Brazilian-ka ayaa mar kale ciyaarta 3-1 ka dhigay daqiiqadii 74-aad ka hor inta uusan Frenkie de Jong dhalin goolka afaraad ee ciyaarta.
Pau Victor ayaa xilli dambe dhaliyay goolka shanaad, iyadoo Barcelona ay kaga badisay kooxda Mallorca 5-1.
Barcelona caawa waxaan ka baranay in isbedel weerarka ah ay sameysay kadib imaatinka Yamal oo dhaawac ku maqnaa kulamadii lasoo dhaafay.