Baladweyne (Radio Beerlula)-Kooxda chelsea ayaa sii wada luminta dhibcaha inkasta oo ay lacag waali ah kooxda galisay waxana ay bar-baro 1/1 ah la galeen kooxda West Ham.
Kulanka ayaa ahaa mid uu Potter shaxdiisa ku bilaabay 5 ka mid ah saxiixyadii ay samaysay kooxdu xilli uu doonayo in uu ku soo laabto wadada guulaha.
Chelsea ayaa maamulaysay ciyaarta waxana ay ahayd mid ka fiican West Ham kuwaas oo daafac ku jiray isla markaas weeraro rogaal celis ah qaadayay.
Blues ayaa daqiiqadii 9-aadba dhalisay gool waxana u dhaliyay xiddiga Joao Felix laakiin goolkaas ayaa la diiday sabab la xidhiidha Offside cadaan ah.
Laakiin daqiiqadii 16-aad ayuu xiddiga Joao Felix soo labtay waxana uu dhaliyay goolka 1-aad ee kooxdiisa isaga oo hogaanka u dhiibay ciyaartana ka dhigay 1/0.
Chelsea ayaa sii waday raadinta goolal kale xilli ay West Ham dhinaceeda weeraro rogaaal celis ah raadinaysay isla markaas daafac ku jirtay.
Kooxda chelsea ayaa mar kale daqiiqadii 23-aad dhalisay gool waxana u dhaliyay xiddiga Kia Havertz laakiin Goolkaas ayaa la diiday sabab la xidhiidha Offside kale.
Kooxda West Ham ayaa markeeda daqiqiadii 28-aad dhalisay goolka bar-baraha waxana u dhaliyay xiddiga Emerson Palmieri kaas oo ciyaarta ku soo celiyay kooxdiisa.
Waxa sidaas ku dhamaatay qaybta hore ee ciyaarta oo ay labada kooxood bar-baro ku yihiin dhinaca natiijada laakiin Blues ahayd kooxda fiican.
Qaybta dambe ayay chelsea raadinaysay goolka bar-baraha waxana ay samaysya fursado waali ah laakiin waxa ka hor istaagay nasiib in ay gool dhaliyaan.
Kadib markii ay chclesea si is daba joog ah u khasaarisay fursadaha West Ham ayaa markeeda sugaysay fursado ay weerar ugu qaado.
Daqiiqadii 83-aad ayay West Ham dhalisay gool waxana madax u dhaliyay xiddig West Ham ah taas oo la macno ah in ay ciyaartu sidaas ku sii socoto.