Baledweyne ( Radio Beerlula )-Chelsea ayaa la sheegay inay xiiseynayaan weeraryahanka Juventus, Dusan Vlahovic, iyagoo wali baadi-goob ugu jira saxiixyo cusub oo weerarka kooxda lagu xoojin karo.
Kooxda Blues ayaa xiiseyneysa Vlahovic, kaasoo Juventus ku qiimeyso qiyaastii £60m, inkastoo wararka ay sheegayaan in weeraryahanka reer Serbia uu ku faraxsan yahay kooxdiisa haatan, isla markaana laga yaabo inuu heshiis cusub u saxiixo Juve, sida laga soo xigtay TBR Football.
Vlahovic ayaa ah ciyaaryahan muhiim u ah Juventus, inkastoo uusan mar walba soo bandhigin qaab ciyaareed fiican.lama hubo sababta ay koox sida Chelsea u xiisayn karto xiddigan.
Warbixinta TBR Football waxay sidoo kale xustay xiisihii hore ee Arsenal, iyadoo la tilmaamay in 24-jirka uu horey u diiday fursad uu ugu biiri lahaa Gunners.
Chelsea ayaa haatan haysata Nicolas Jackson oo qaab ciyaareed fiican ku jira, laakiin Vlahovic wuxuu noqon karaa xulasho lagu kalsoonaan karo si uu tartan ugu abuuro Jackson, taas oo laga yaabo inay ganacsi caqli-gal ah noqoto haddii ay keenaan weeraryahanka Juventus.