Baladweyne ( Radio Beerlula )-Ciyaaryahankii hore ee xulka qaranka Giriigga, Georgios Karagounis, ayaa ku booriyay kabtanka Al-Nassr Cristiano Ronaldo inuu ku biiro kooxda Panathinaikos marka uu ka tago horyaalka Sacuudiga.
Qandaraaska Ronaldo ee Al-Nassr ayaa dhacaya dhammaadka xilli ciyaareedkan.
Ciyaaryahanka reer Portugal weli ma saxiixin heshiis cusub oo uu kula sii joogayo kooxda.
Markii uu la hadlayay Spin Genie, sida laga soo xigtay GOAL, Karagounis wuxuu ku adkeystay in Ronaldo uu ku habboon yahay Panathinaikos.
Wuxuu yiri: “Ma hubo haddii aan waligeen arki doono Cristiano Ronaldo oo u ciyaaraya Wrexham, laakiin waxaan jeclaan lahaa inaan ku arko Giriigga isagoo u ciyaaraya Panathinaikos.”
“Panathinaikos waa koox weyn, in kasta oo aanan ogeyn waxa mustaqbalku dhici doona, Ronaldo aad buu u caan yahay sidoo kalena Panathinaikos waxay caan ka yihiin Giriigga.”
“Wuxuu horay u xirnaa funaanad cagaar ah oo Sporting ah, marka maxaa diidaya inuu sidoo kale u xirto Panathinaikos? Runtii aad baan u jeclaan lahaa inaan arko.”
Ronaldo oo haatan jira 40 sano ayaa ku dhow dhammaadka xirfadiisa ciyaareed.
Wuxuu horay ugu ciyaaray kooxaha Manchester United, Sporting CP, Real Madrid iyo Juventus.
Weli lama oga haddii Ronaldo uu ku biiri doono Panathinaikos ama koox kale marka uu dhammaado xilli ciyaareedkan.