Baladweyne ( Radio Beerlula )-Cristiano Ronaldo ayaa dhaliyay goolkiisii 901-aad ee xirfadiisa kubada cagta isagoo shabaqa soo taabtay kulan ka tirsana tartanka UEFA Nations League oo ay Portugal 2-1 kaga badiyeen Scotland fiidnimadii Axada.
Xiddiga 39-jirka ah ayaa ka dhaqaaqay lambarka 900-aad isagoo gool ka dhaliyay Croatia horaantii isbuucaan, waxaana uu mar kale muujiyay awoodiisa markii uu wajahay xulka Scotland oo ku gaadhay lambarka 901aad.
Labo ka mid ah saaxiibadii hore ee Ronaldo ee Manchester United ayaa goolasha daah furay iyadoo Bruno Fernandes uu hogaanka u dhiibay xulka martida loo ahaa iyo Scott McTominay oo hogaanka u dhiibay Scotland.
Ronaldo ayaa goolka guusha dhaliyay daqiiqadii 87-aad , iyada oo Portugal ay aad ugu dadaalaysay in ay ka fogaato bar-baro.
Si kastaba Ronaldo ayaa isha ku haaya inuu cagta saaro 1000 gool.