Baledweyne ( Radio Beerlula )-Kulamadii 9-aad ee horyaalka Saudi Pro League ayaa waxaa caawa isaga horyimid Ahilaal iyo kooxda ay xifaaltamaan ee Al-Nassr oo uu hogaamiyo Cristiano Ronaldo.
Labada koox waxa ay soo bandhigeen ciyaar aad u xiisa badan oo taageereyaasha ku qanceen ilaa daqiiqadii ugu dambaysay.
Anderson Talisca ayaa hogaanka ugu dhiibay kooxdiisa, baas uu ka helay Otávio ayuu si cajiib ah u dhaafiyay goolka Bono.
Qeybta hore ee ciyaarta ayaa lagu kala nastay goolkaas oo culeys badan ku ahaa jamaahiirta Al Hilaal.
Daqiiqadii 78-aad ee ciyaarta ayaa kubad uu soo karoosay Renan Lodi waxaa madax ku dhaliyay Sergej Milinković-Savić, wuxuuna9 ciyaarta ka dhigay barbaro 1-1 ah.
Ciyaarta ayaa ku soo idlaatay barbarahaas, taasoo u sahashay in labada kooxoodba ilaashadaan boosaska ay kaga jiraan kala sareynta horyaalka.
Arrinta xiisaha lihi waxa ay tahay in Al-Nasr aysan saddex sano xiriir ah garaacin Al-Hilaal.