Baledweyne ( Radio Beerlula )-Dadweyne aad u fara badan ayaa isugu soo baxay bannaanbax looga soo horjeedo siyaasadaha madaxweyne Donald Trump magaalooyin badan oo ku yaalla Mareykanka, oo ay ka mid yihiin New York, Washington DC, Chicago, Miami, iyo Los Angeles.
Dibad-bax ka dhacay fagaaraha caanka ah ee Times Square ee magaalada New York ayaa kumanaan qof isugu soo baxeen wax yar ka dib markii uu bilaabmay subaxnimadii Sabtida.
Waddooyinka iyo jidadka tareenka dhulka hoostiisa mara ayaa si aad ah ay u buux dhaafiyeey dad mudaaharaadaya oo sita boorar ay ku qoran yihiin halku dhigyo ay ka mid yihiin “Dimuqraadiyadu ma aha Boqortooyo” iyo “Dastuurku maaha mid ikhtiyaari ah”.
Kahor mudaaharaadyada, xulafada Trump waxay ku eedeeyeen mudaaharaadayaasha inay xiriir la leeyihiin dhaqdhaqaaqa bidix ee Antifa, waxayna cambaareeyeen waxa ay ugu yeereen ” isu soo baxa nacaybka Mareykanka”.
Qabanqaabiyeyaasha iyo dadkii mudaharaadayay Sabtidii waxay sheegeen in bannaanbaxyadu ahaayeen kuwo nabadeed.
Rabshad la’aantu waa mabda’a aasaasiga ah ee dhacdooyinka Maya boqor, ayay kooxda ku sheegtay boggeeda internetka, iyagoo ku boorriyay dhammaan ka qaybgalayaasha inay is dejiyaan xaaladaha laga yaabo inay gacan ka hadal isu beddelaan.
Waaxda booliiska New York ayaa sheegtay in in ka badan 100,000 oo qof ay isugu soo baxeen si ay si nabad ah mudaaharaad uga dhigaan dhammaan ee magaalada, mana jirto cid loo xiray mudaaharaadyada.