Baladweyne ( Radio Beerlula )-Enzo Fernandez ayaa muujiyay sida uu ugu faraxsan yahay ka dib markii uu maalintii ugu dambaysay chelsea kaga soo biiray kooxda Benfica.
Blues ayaa lala xiriirinayay xiddiga reer Argentina suuqii January oo dhan waxana ay markii hore bilowgii suuqa ku fashilantay in ay la soo saxiixato iyada oo Benfica isku dayday in ay sii haysato xiddiga ka hor inta ayna maalintii ugu dambaysay ka iibin Blues.
Warqad heshiis ah ayaa loo baahday in lagu dhameeyo 121 milyan oo Yuuro (£106.3m), taas oo ah rikoorka suuqa kala iibsiga ee Ingiriiska waxaana la filayaa in la bixiyo qeyb qeyb.
Ka dib markii uu kaga tagay Benfica 4 gool iyo 7 caawin 29 kulan oo uu saftay, Fernandez ayaa u saxiixay Chelsea heshiis sideed sano iyo bar ah.
Markii uu yimid Stamford Bridge, Fernandez waxa uu sheegay in uu “mahadcelinayo” milkiilayaasha Chelsea shaqadii ay ka qabteen heshiiska.
“Waxaan u mahadcelinayaa Chelsea iyo milkiilayaasha kooxda in ay wax walba u sameeyeen sidii aan uga qayb noqon lahaa mashruucan”ayuu yidhi.
“Waan ku faraxsanahay inaan ku biiro kooxda chelsea iyo horyaalka ugu adag adduunka, waxa aan doonayaa in aan u tartamo koobabka”.