Baladweyne (Radio Beerlula)-Haramcad ayaa u dhacay maxkamad magaalo u dhow caasimadda Hindiya ee New Delhi, waxaana uu dhaawacay ugu yaraan shan qof, sida ay booliisku sheegeen.
Muuqaal laga duubay dhacdadan oo qabsaday baraha bulshada ayaa muujinaya dhowr nin oo ku dhaawacmay weerarka, oo uu ku jiro nin dhaawaciisa liitay oo laga qaaday maxkamadda magaalada Ghaziabad.
Booliis xiran dhanka difaaca jirka ayaa shabaq u dhigay halkaasi si ay u qabtaan Haramcadka galay gudaha maxkamadda, sida uu muujinayo muuqaal ay heshay AFP.
Ghaziabad oo ku taal cirifka bari ee magaalada New Delhi ayaa ku dhow dhul kayn ah oo uu Haramcadku ku badan yahay.
Ugu yaraan 12,000 oo Haramcad ayaa ku nool guud ahaan Hindiya.
Haramcadka ayaa Ururka Caalamiga ah ee Ilaalinta Duurjoogta (IUCN) waxa uu ku sifeeyaa nooc nugul oo ka mid ah duurjoogta.
Saraakiisha ayaa sheegay in celcelis ahaan, hal Haramcad maalin kasta la dilo marka uu galo goobaha ay dadku ku nool yihiin ee Hindiya, iyadoo tirada dhacdooyinka noocan ah ay kor u kaceen, taasi oo ay ugu wacan tahay baaxadda dhulka keymaha oo sii yaraanaya.