Baladweyne (Radio Beerlula)-Svetlana Dali oo ah haweeney ah ayaa si qarsoodi ah ku soo gashay diyaarad ka soo baxday New York oo Paris timid, waxana da’adeeda lagu sheegay 57 jir.
Svetlana Dali oo hadda la xaqiijiyay in la aqoonsaday waxay diyaaradda soo kortay toddobaadkii la soo dhaafay iyadoo ka soo raacday garoonka diyaaradaha New York ee JFK , mana haysan wax dokomenti ah.
Booliska Faransiiska waxay sheegeen in haweeneyda loo diiday in ay Faransiiska gasho sababtuna waxay ku sheegeen in ay u dhalatay Ruush loogana baahan yahay fiiso ay dalka ku soo gasho.
Wax dacwad ah laguma soo oogin.
Ms Dali ayaa ka soo gudubtay farsamada garoomda diyaaradaha ee hubisa dadka taas oo ay u isticmaashay dokomenti been abuur ah iyo aqoonsi markii ay ka soo gudbeysay.
Wargeyska Guardian ayaa sheegay in markii ay diyaaradda soo kortay Ms Dali in ay marba mid suuliyada galeysay, mana jirin mar ay kursi fariistay, ugu dambeyn waxaa fahmay shaqaalaha diyaaradda.
Muuqaal baraha bulshada la soo dhigay ayaa muujinayay kabtanka diyaaradda oo dadka u sheegaya in haweeney diyaaradda laga dajinayo.