Baladweyne ( Radio Beerlula )-Kooxda difaacanaysa horyaalka Premier League ee Manchester City ayaa magaalada London marti ku ah iyadoo booqanaysa dhigeeda Crystal Palace.
Xiddigaha Pep Guardiola ayaa doonaya guul ay cadaadiska ugu sii hayaan Arsenal oo hoggaanka shan dhibcood kaga haysa balse Gunners ayaa rajo ka sugaya halyeeygeeda Patrick Vieira oo ah macalinka Palace.
Wararka Labada Kooxood Ee Kulanka Kahor
Patrick Vieira ayaa xaqiijiyay maqnaanshaha Nathan Ferguson iyo Sam Johnstone halka Hughes lagu samayn doono qiimayn xilli dambe ah.
Pep Guardiola ayaa isaguna haysta saf ku dhawaad dhammaystiran, wuxuu si dhaw u qiimayn doonaa xaaladaha Aymeric Laporte iyo John Stones.
Guardiola ayaa la filayaa inuu shaxda saddexda daafac sii wado isagoo Walker, Dias iyo Ake kusoo wada bilaabaya, Bernardo ayaa khadka dhexe kala ciyaari doona Rodri.
Gundogan iyo De Bruyne ayaa laba khad dhexe hore dheelaya halka Mahrez iyo Grealish ay weerarka ku caawin karaan Haaland taas oo ka dhigan in Foden oo dhaawac fudud oo uu kasoo kabtay kulankii Newcastle ku gaadhay keydka soo fadhiisan karo.
Shaxaha Macquulka Ah
Crystal Palace (4-2-3-1): Guaita; Clyne, Anderseon, Guehi, Mitchell; Hughes, Lokonga; Ayew, Olise, Eze; Zaha
Man City (3-4-3): Ederson; Akanji, Dias, Ake; Walker, Gundogan, Rodri, Silva; Mahrez, Haaland, Grealish
Xogta Kulanka
Tartanka: Premier League
Garoonka: Selhurst Park
Wakhtiga: 8:30 fiidnimo xilliga geeska Africa
Garsoore: Robert Jones