Baladweyne ( Radio Beerlula )-Kooxda uu macalinka u yahay Jurgen Klopp ee Liverpool ayaa markale isku dayaysa inay u dagaalanto inay inta xilli ciyaareedka ka dhiman dhacsan karto mid kamida kaalmaha Champions League 2023-24 loogu soo baxayo.
Reds oo kulankoodii ugu dambeeyay guul xarrago leh oo 6-1 ah kasoo gaadhay Leeds United ayaa markan la ballansan kooxda kale ee ka ordaysa kaalmaha horyaalka lagaga dhaadhaco ee Nottingham oo iyadu wareegii hore 1-0 kaga soo badisay.
Wararka Labada Kooxood Ee Kulanka Kahor
Liverpool waxa ka maqnaan doona Calvin Ramsay iyo Stefan Bajcetic oo dhaawacyo qaba, sidoo kale Naby Keita oo dhaawac ku seegay ciyaarihii ugu dambeeyay ayaan la filayn inuu taam yahay.
Alexander-Arnold, Konate, Van Dijk iyo Robertson ayaa la filayaa inay markale daafaca kasoo wada muuqdaan halka Thiago uu khadka dhexe la maamuli karo Fabinho iyo Jones oo ciyaaray kulankii hore ee Leeds.
Klopp ayaa loo badinayaa inuu markale keydka ku cabo Darwin Nunez isagoo kasoo hormarinaya Diogo Jota oo saddexda weerar la dhammaystiri kara Gakpo iyo Salah.
Nottingham dhinaceeda waxa dhaawacyo kaga maqan Giulian Biancone, Chris Wood, Willy Boly, Cheikhou Kouyate, iyo Omar Richard.
Shaxaha Macquulka Ah
Liverpool (4-3-3): Alisson; Alexander-Arnold, Konate, van Dijk, Robertson; Thiago, Fabinho, Jones; Salah, Gakpo, Jota
Nottingham (3-4-1-2): Navas; Felipe, Niakhate, McKenna; Williams, Danilo, Freuler, Lodi; Gibbs-White; Johnson, Awoniyi
Xogta Kulanka
Tartanka: Premier League
Garoonka: Anfield
Wakhtiga: 5:00 galabnimo xilliga geeska Africa
Garsoore: Michael Oliver