Baladweyne ( Radio Beerlula )-Kooxda Liverpool ayaa marti galinaysa kooxda Real Madrid kulan xiiso leh oo ka tirsan champions League kana dhici doona Anfield.
Liverpool ayaa kulanka soo galaysa iyaga oo dib u helay qaab ciyaareedkoodii fiicnaa waxana ay doonayaan in ay sii wadaan guulaha xdhiidhka ah.
Dhinaca kale Real Madrid ayaa doonaysa in ay garaacdo Liverpool siina wadato difaacashada koobka ay Liverpool ku garaacday xilli ciyaareedkii hore.
Kulanka: Liverpool Vs Real Madrid
Tartanka: Champions League
Wakhtiga: 11:00
Garoonka: Anfield
XAQIIQOOYINKA KULANKA:
Liverpool ayaa badisay seddexdii kulan ee ugu horeysay ee ay la ciyaartay Real Madrid tartamada Yurub, intii u dhaxeysay 1981 iyo 2009. Laakiin wixii intaas ka dambeeyay Reds ayaan wax guul ah ka gaadhin Real 6 kulan oo ay la ciyaartay iyaga oo 5 kulan looga badiyay 1/0.
Tani waxay noqon doontaa markii sideedaad ee uu tababaraha Real Madrid Carlo Ancelotti ku wajaho Liverpool garoonka Anfield isaga oo 3 kulan laga badiyay 3 kulan oo kalena uu ku badiyay, Ancelotti kulankii ugu dambeeyay ee uu booqday Anfield 2/0 ku garaacay Liverpool markii uu hogaaminayay Everton.
Xiddiga Liverpool ee Mohamed Salah ayaa dhaliyay 43 gool tartanka champions League hadii uu shabaqa soo taabto kulankaan waxa uu bar-barayn doona Didier Drogba (44) oo ah xiddiga ugu goolasha badan ee ka soo jeeda qaarada Africa.
Alisson aya shabaqiisa ilaashaday 13 ka mid ah 21 kulan oo uu ciyaaray champions League marka uu ku ciyaarayo Anfield waana Goolhayaah ugu fiican rikoodhkaas taariikhda.